Dhurata e veçantë e fanses për Mohamed Salah

20:47 | 25 Tetor 2018
Arbresh.info

Mohamed Salah është rikonfirmuar dje si lideri i Liverpulit, ku me dy golat e tij ndihmoi në fitoren 4-0 ndaj serbëve të Crvena Zvezdas.

Mediat britanike kanë kapur një episod të veçantë nga përballja e djeshme e Ligës së Kampioneve.

Salah u zëvendësua në minutën e 73-të, por në fundin e ndeshjes ai vrapoi drejt rreshtit të parë të stadiumit, për të takuar një tifozë të veçantë.

Bëhej fjalë për një grua të veshur me hixhab, që mbante në duar një pankartë ku shkruhej: “Unë kam ardhur nga Egjipti për ju”.

Tifozja i dha yllit egjiptian si dhuratë një pako me çokollata, ndërsa Salah i dha në këmbim fanellën e tij të ndeshjes.

Episodi u shoqërua me duartrokitje nga tifozët e shumtë të pranishëm në stadiumin “Anfield Road”.

 

Shpërndaje në rrjete sociale

Lajmet më të lexuara

Të ngjashme

Foto lajm